საქართველოს იუსტიციის სამინისტროს 2018 წლის ბიუჯეტის წლიური შესრულების მიმოხილვის თანახმად, საანგარიშო პერიოდში, პატიმართა უფლებების შესახებ განახლებული ინფორმაციის საფუძველზე შეიქმნა ტექსტური ვიდეორგოლები, რომლებიც ხელმისაწვდომია ერთ-ერთ სატელევიზიო არხზე ყველა დაწესებულების ბრალდებულ/მსჯავრდებულებისთვის. მიუხედავად ნოვატორული მიდგომისა, ტექსტური ვიდეორგოლები ვერ ჩაითვლება საინფორმაციო ბროშურების და პლაკატების ჩამნაცვლებლად, გამომდინარე იქიდან, რომ მათზე ხელმისაწვდომობა გაცილებით შეზღუდულია. ამასთან, ტექსტური ვიდეორგოლები მხოლოდ ქართული ენის მცოდნე პატიმრებისთვის არის გასაგები.
ადამიანის უფლებათა დაცვის სამდივნოს 2019 წლის ანგარიშში მითითებულია, რომ ევროკავშირის „პენიტენციური და პრობაციის მხარდაჭერის პროექტის“ (EU4Justice) მხარდაჭერით მომზადდა ბრალდებულ/მსჯავრდებულთა უფლებების შესახებ განახლებული ბროშურები, რომლებიც ითარგმნება პენიტენციური დაწესებულებების პოპულაციის ენობრივი საჭიროებებიდან გამომდინარე.
ზემოაღნიშნული ფორმულირება გვაფიქრებინებს, რომ საანგარიშო პერიოდში განახლებული ბროშურების თარგმნა არ მომხდარა.